روايه للكاتبه مني
انا مش هقدر افرط في الشغل
قصي بعصبية وبيخبط الطاولة اللي قدامه تمام اوي يا قيس الكلب ابقى وريني وشك!!!
قيس بيبلع ريقه بتوتر وبيلتفت لتاليا اقعدي يا انسه تاليا رجاء مش كان اسمك تاليا
تاليا كانت لسه هترد عليه بس قاطعها صوت ضحكاته
قصي بسخرية ههههههه واسمها تاليا كمان
قيس باحراج يا قصي ما خلاص بقى!!!
قصي ببرود اسمها ماعجبنيش معلش شوف واحده غيرها
قيس باحراج وعصبية معلش يا انسه تاليا ممكن تقعدي.... قصي اطلع برا!!!
قصي پصدمة و عدم استيعاب انت بتقول ايه!
تاليا ب سخرية بيقولك اطلع برا
قصي بيشيل تلفونه ومفتاح العربية بتاعه من الطاولة بعصبية وبيخرج على طول
احببت اثنين... الرابع عشر
.................................
البارت الخامس عشر
حرم_اليزيد
تاليا بفرحة اتوظفت يا نااااااااااااااااااس!!!
نادر بفرحة وهو شايل سيلا مبروك يا اختي
قمر مبروك يا بنتي
سليم بيبصلها بعدم رضا وبيقوم والكل بيلاحظوا
قمر مش عارفه
تاليا باهتمام هروح اشوفه
بتروح لغرفته وبتدق الباب بتسمع صوته وهو بياذن لها بالدخول
ادخلي...يا تاليا
تاليا بابتسامة و استغراب ازاي عرفت ان انا اللي في الباب
سليم وهو بيشاورلها تقعد جنبه عشان من يوم ما انتي صغيرة يا تاليا انتي حنونة وطيبه وبتهتمي بالكل صح وما بتزعليش حد منك مع ان عندك لسان لو فتحتيه لا إله إلا الله سنه قدام مش هيتقفل
سليم بيحاوطها بايده وبيكمل ودي حاجه وارثاها من امك بس مع ده عندك قلب طيب يوزن بلد ومتقصديش تئذي حد ولو شفتي حد متدايق ولا زعلان الا تراضيه فأكيد لما شفتيني اتدايقت جيتي عشان تشوفيني مش كده
تاليا بتوهان في كلامه صح يا بابا
سليم بيبتسم لها على ردها وبيكمل انتي يا تاليا اغلى حد عندي واقرب حد ليا مع ان الكل بيقول ان نادر عشان هوا الولد الوحيد بس ده مش صح انتي اول فرحة ليا يا تاليا و بنتي وحيدة وبفرح لفرحك بس ده مش يعني اني لو شفتك بتفرحي في الغلط افرح معاكي واسكت عن الغلط
سليم حتى يا تاليا لو كان عدي طليقك يا بنتي من حقه يعرف انك هتشتغلي
تاليا بانفعال واحترام برضو ازاي يا بابا ده خلاص بقى طليقي ملوش دعوه بيا
سليم ده لما ما يكون في رابط مشترك ما بينكم و سيلا الرابط ده
تاليا بس يا بابا
سليم استني يا تاليا.....طب شوفي دلوقتي يعني لو انا و قمر بعد الشړ يعني كنا متفرقين وانتي عايشه مع قمر وقمر راحت تشتغل انتي بقى هتكوني مبسوطة
بتنهد لا يا بابا
سليم طب دلوقتي حطي سيلا في مكانك انتي حرمتي البنت من ابوها خالص وحرمتي الأب من بنته وبصراحة يا تاليا اهملتي البت خالص بقيت ما بشوفهاش الا مع نادر وهي لسه عندها سنه محتاجاكم اوي ما تسببيش فجوة بينك وبينها لما تكبر وتوعى عايزة تشتغلي عرفي ابوها و شوفيه لو فاضي يقضي معاها الوقت في وقت شغلك وفي وقت شغله انتي معاها وكده فهمتيني يا بنتي
تاليا بدموع وتأييد فعلا يا بابا عندك حق متشكرة ليك اوي كنت محتاجه الكلام ده بجد
سليم بابتسامة ولا شكر ولا حاجه انا ابوكي يا بت ومن واجبي اعرفك ومسيبكيش تمشي في الغلط يلا دلوقتي تفضلي بلا مطرود
تاليا بغيظ ما بتعرفش تكمل خيرك للآخر
سليم بضحك لا ما بعرفش... يلا مع السلامه
تاليا بتخرج من عنده وسليم بيخرج البلكونة وهو ماسك كوباية الشاي في ايده وبيبص لتحت فجأة كل حاجه قدامه بتبقى سودة!!!..........
قصي بعصبيه وهو بيروح ويرجع في نفس المكان قيس الكلب الحيوان احرجني قدامها و.....
غزل بزهق ما خلاص يا قصي بقى ليك ساعه رايح جاي رايح جاي وبتعيد في نفس السيرة قيس الكلب احرجني قدامها وطردني صغرني قدامها ودي الحاله اني انا المدير وهو بس شركته معايا بقى يتكبر عليا ووالله النهارده رجله متعتبش البيت خلاص ليك ساعه بتعيد في نفس الكلام
قصي اصلك ما شوفتيهوش لم..
غزل بعصبية ومقاطعه ولا عايزه اشوفه کرهتوني في البيت منك ليه خد امسك ابنك انا رايحة غايرة في أنهى حته..وبتمشي
قصي ب سخريه وبيشيل ابنه متشكرين لخدماتك يا ختي
محمد ب ا..ب ا.....ب
