حبيبتي الصغيره
بصراحه
هي برضو اللي آوڤر علي العموم ماتخافش يا معلم دينا بالنسبة ليا زي آختي بالظبط
بجد يا قاسم طب قولي انتو المره اللي فاتت روحتو فين و
امبارح لما جات عندك قبل الحفله مع ندى آختك كانت موجوده مش كده يا قاسم
اه طبعا كانت موجوده و لما اخدتها و مشينا كنا بنشتري حاجات لوعد
انت بقي ليه كل الاسئله دي مالك مهتم بدينا و خاېف عليها كده ليه
حبيتها يا رامي
باين كده بس لسه مش متآكد
كل الغيرة و الخۏف ده و مش متآكد
غيرة انا غيران عليها
آه و الغيرة باينة اوي في كلامك و علي فكره دينا فعلا طيبه و اهلها مربينها كويس اوي
عارف و متنساش آن اهلها و اهلي يعرفو بعض كويس دينا متربية في بيتنا يا قاسم
تمام تعالي نرجع ليهم و انا هاعرف ازاي اكلمها في الموضوع ده
رجعنا و قعدنا تاني معاهم لاقيناها پتبكي و ندي بتحاول تهديها
معلش يا دينا ماتزعليش بقي
يا بنتي ما يتفلقو هما الاتنين انتي مضايقه نفسك ليه بس
خلاص يا دينا الموضوع ما يستهالش ده كله
و آخيرا انهت وصلة بكاها و اتكلمت
انا قولتلك اني مش زعلان في حد برضو يزعل من حته اوزعه زيك
طب و هو بص بيبصلي ازاي و ساكت
ساكت ليه يلااا ما تتكلم
مد رامي ايده ليها و هو واقف مكانه
يالا يا دينا عشان اوصلك
لاء انت مش زعلان مني و بتزعقلي اصلا مامي جات النادي و هاروح ليها و نروح سوي
طب معلش لو بتعزيني بصحيح روحي معاه و اقعدو اتكلمو سوي قبل ما تروحي لمامتك
بشرط تديني رقم وعد آختك عشان آعتذر ليها هي كمان صحيح هي في مدرسة ايه
هي في ثانوية عامه في مدرسة
بس مش هديكي رقمها اصىل تليفونها ضاع و هاجيب ليها خط جديد
خلاص بقي يا دينا بطلي تآڤورى
في المواضيع كده و يالا عشان نروح لمامتك
قومي معاه يا دينا و آنا هابقي اشوف ظروفي ايه و اشوف وقت مناسب تتعرفي علي وعد فيه
نخلاص ماشي سلام انا بقي
الجميع سلام
بتعملي ايه الساعة دي في المطبخ يا بت
بحمر بطاطس
حد يجوع في الوقت ده
طب اني بجي جعان و عايز آكل من يدك
و عايز تاكل من يدي ايه بجى الساعة دي
اي حاجة انشالله تكون حتة جبنه المهم تكون من يدك
حتة جبنه قريش في صحن و معها رغيف عيش
ياااااه ههههه لساكي فاكره يا وعد دانتي كنتي صغيرة جوي يا بت
اه لستني فاكره و فاكره الديب اللي ربطه علي باب الجاعه و من يومها و اني مش ناسية نظرة عينك يا ديب
ههههههههه عشان اكده بتنديني باسم جدي
ابوي الشيخ حسن ياما كان بيجولي انك نسخه من جدك الديب الكبير
طب هاتي الوكل بقى الا انا جعان جوي
آنت بتتريج عليا مش اكده
لاء المره دي مش اكده بس انا حابب اكلمك بلهجتنا بيني و بينك آنما قصاد الناس هتكوني بنت
مودرن علي حق
آمممممممم جولتلي بجي بس آنت رجعت بدري يعني النهاردة
حيرتيني معاكي يا وعد اخرج و آسيبك تزعلي آرجعلك بدري تستعجبي ارضيكي ازاي اني بجي
دي حاجه بسيطه جوي يا ديب خدني معاك مكان ما تروح و اني ماسآلش و لا ازعل تاني
هههههههه اهو ده اللي مش ممكن ابدا ثم قوليلي بقي انتي مش بتذاكري ليه
واه و هو اني هافضل طول اليوم اذاكر و بعدين اني في حاجات كتير جوي مش فهماها
و بصراحة اني مش حابه اكمل كمان
لاااآ
واه فزعتني يا قاسم
آوعاكي اسمعك بتجولي الكلمه دي آنتي هاتكملي تعليمك لحد الكليه اي كليه مش مهم تكون من كليات القمه المهم تكوني مخلصة دراستك
حاضر يا خوي بس انت ماتتعصبش على
رايح فين
خلاص شبعت و طالع انام و انتي من بكره تقوليلي علي اللي مش فهماه و آنا اذاكرهولك
طيب
مش هاتنامي
لاه لساتني مش جايلي نوم
ماشي تصبحي علي خير
واه اول مرة مايجوليش اطلعي معاي
فاتو كام يوم و كانت كل آمورنا عاديه بس في يوم كانت هي في المدرسه و خرجت عشان تركب الباص بتاعها لكن سمعت حد بينديها قبل ما تركب
وعد يا وعد انسة وعد
في حاجه هو حضرتك تعرفني
طبعا ايه ده آنتي مش عرفاني و لا ايه
لاه اني ماعرفكش مين حضرتك
انا عصام صاحب اخوكي
اخوى!!!
اه اخوكي قاسم الديب
بس قاسم مش
مش ايه!
هاه لاه مافيش طب هو حضرتك عايز حاجه دلوك
دلوك!! يعني ايه دي
قصدي يعني حضرتك عايز ايه دلوقتي
لاء مافيش انا شوفتك بالصدفه فاقولت اسلم عليكي و نتعرف و
