لم يتبقي سواهم
يا امي انا لما جاتلي قضية عمار نصار وقتها جالي ملف حياته الشخصية ولم شفت اسمها مصدقتش قلت يمكن تشابه اسماء وحتى لو هي هعملها ايه احناا كنا عيال بس الحقيقة في اول مره شفتها قلبي دق ليها عرفت عيونها البريئة انا وقعت زمان في حبها ولم كبرت عشقتها بس هي قلبها في مكان تاني وانا مش هستغل ضعفها واقرب منها
بس يا ابني..... قالتها والدته
حاضر يا ابني
ربنا يوفقك..... قالتها والدته بحب
ليخرج هو من منزله متجه الي عمله...
ارتدت ملابسها وخرجت من غرفتها وهي ترتدي بنطال اسود و فوقه جاكت اسود اسفله قميص ابيض ثم تركت شعرها منسدل على كتفيها
طالعته بعدم اهتمام وقالت....... رايحه الشركة هكون رايحه فين
اه تمام يلا بينا...... قالها عمار وهو يأخذ هاتفه من على الطاولة
لتهتف هي بتعجب...... انت هتروح الشركة كده المفروض انك في ايام راحة
اقترب منها وهو يطالعها بعينيه حتى ألتقت اعينهم في نظرة لم تدوم طويلا ليهتف هو بهمس....... ايه خاېفة عليا
طالعها بغيظ فهو يضغط على نفسه من اجل إلا يخيفها ولكنها تستغل هذا الامر لصالحها ليهتف بغيظ..... طيب يالا اتفضلي قدامي وانا هكلم السوق يجيلنا
هزت رأسها بالموافقة وتركته بينما خرج خلفها وهو يرها تقف امام المنزل ظل يتابعها بعينيه جميلة كما كانت لم يتغير بها شيء بل اصبحت اجمل واكثر تمردا رأها كيف تتسامر مع المارين من أهالي المنطقة التي تقطن بها
بينما هي ركعت على ركبتيها قائلة...... الله حلوة أوي الوردة دي يا زين
ابتسم الطفل ذو الخمس سنوات وهو يطالعها بحب قائلا..... مش احلي منك انتي اجمل منها بكتير
تعالت ضحكاتها ...... يا خلاثي يا ناس ايه العسل ده
شردت بحزن في شقيقتها لتهتف بعدها...... خلاص وعد مني لم رهف ترجع هقولها انك كنت عايز تجبلها وردة بس هي مكنتش موجودة
ابتسم الطفل واقترب منها حتى ولكن هناك من منعه من ذالك
حينما جذبها بقوة حتى وقفت
نظرت إليه مرام پغضب قائلة...... انت ازي تشدني كده
طالعه زين پغضب طفولي...... وانت مالك اصلا
انا بحبها و هتجوزها لم اكبر
وضع الاخر يده قائلا بغيرة..... ودي مراتي هتتجوزها ازاي
نظر زين إلى مرام قائلا بصوت طفولي اوشك على البكاء...... انتي مراته يعني مش هتتجوزيني
جلست على ركبتيها وهي تهمس للطفل بصوت منخفض...... بص عمو ده مچنون بيهلوس وفاكر انه متجوزني بس انا مش هتجوز غيرك
..... هتتجوزني انا مش انت يا عمو يا مچنون يا بتاع هلوس
نظر إليها بغيظ قائلا...... انتي قولتيلوا ايه
مرام وهي تحاول كبت ضحكاتها...... هقول ايه انا كنت اتكلمت
صمت كلاهما لتنظر مرام إلى زين الذي عاد مجددا هو وعدد من الاطفال رفاقه وهم يرددون خلف زين بصوت مرتفع........ جواز عمو المچنون من مرام باطل باطل.... جواز عمو المچنون من مرام باطل باطل
تعالت ضحكاتها وهي تري هيئة عمار الذي فتح فمه ببلاها وهو يطالع زين واصدقائه ليهتف بغيظ...... الواد عامل فيها مناضل
مرام بضحك..... مش يمكن بيحب وبيحاول يحمي الي بيحبها من المچنون....
ابتسم زين قائلا بتساؤل...... طيب وانت ليه عايز تتجوزها.......
كانت انظاره مازالت معلقة بها ليهتف بنبرة عاشقة اذابت جليد قلبه....... علشان مقدرتش أحب غيرها لاني عشقان والعشق في سبيلها حياة
ابتسم زين قائلا بسعادة..... طيب خلاص هسيب مرام بس بشرط
طالعه عمار قائلا...... وكمان عندك شروط قول......
نظر إليه زين قائلا....... توعدني انك تجيبوا بنوتة صغيرة ليا اتجوزها لم اكبر
ابتسم عمار قائلا....... وانا عند وعدي
ليصفق زين بسعادة قائلا..... خلاص يا عموو يا مچنون انت مرام بتعتك وانا النونه هيكون بتاعي
ابتسم عمار
على هذا الصغير ليعود مجددا إلى تلك الواقفة وهي تتابعهم من بعيد ولكن لم تتمكن من سماع شيء لتهتف بتساؤل...... هو انت قلت لزين أيه
طالعها بحب قائلا...... قلت انك عشقي
نظرت إليه ولم تجيبه بل ابتسمت في داخلها بصمت
إلي أن جائت سيارة الشركة وصعد كلاهما بها
على الجانب الآخر بمدينه العشق
جلست على سرير المرضى فاليوم ستبدأ في اجراء بعض الفحوصات الطبية اللازمة قبل العملية لتهتف پخوف...... اسلام هو احنا هنفضل هنا كتير انا اتخنقت..
جلس بجوارها وهو يطالعها بحب....... حبيبتي مټخافيش كلها شويا ونمشي وهاخدك ونكمل باقي اليوم بره
ابتسمت بحب وهي تهتف...... ربنا يخليكي ليا يا اسلام
بادلها الابتسامة وكاد ان يتحدث ولكن قاطعهم دخول الممرضة التي بدأت في توصيل رهف ببعض اجهزة
القلب ولكن نظراتها لم تفارق أسلام وهي تطالعه بأعجاب
لتهتف رهف قائلا....... هو انا هعمل تحليل تاني
ابتسمت الممرضة قائله بتساؤل...... انتو عرب
طالعتها رهف قائلة...... اه مصريين وانتي
نظرت مرة اخري لاسلام وهي تمد يدها تصافحه...... مرحبا انا دايمه من بيروت
نظرت إليها رهف بغيرها وهي تجذب يدها تصافحها هي...... اهلا انا رهف وده اسلام جوزي بس مش بيسلم على اي ست
اعادت النظر إليه مرة أخرى قائلة بأسف...... انا بعتذر ما بعرف انك ما بتصافح الستات بس مو مبين عحضرتك انك متزوج باينتك صغير
كاد اسلام يجيب ولكن رهف كانت اسرع بردها قائلة..... ليه مش مبين حد قالك اني بكدب عليكي ولا انا مش ماليه عينك
لا حبيبتي ما بقصد هيك فهمتي القصة غلط..... قالتها دايمة پخوف من نظرات رهف الڼارية ثم تابعت...... بقصد انوا مبينين انتو الاتنين صغار على الزواج شو رأيك مو انتوا لساتكم صغار بأول العمر ما قصدت شي تاني
خلاص حصل خير...... قالها اسلام محاولا انهاء الحديث لتنهي الممرضة عملها وغادرت بينما نظرت إليه رهف بضيق قائلة....... مبسوط انت كده علشان لقيت واحدة معجبة بيك
جلس بجوارها مرة أخرى وهو يطالعها بعشق ثم هتف بثقة....... يا رهف للمره المليون بقولك اني محبتش ولا هحب في حياتي غيرك ومفيش ست في الدنيا دي كلها ممكن تلفت نظري او تخليني ابصلها ده اللي عايزك تتأكدي منه
امسكت كفه وقالت بصوت اوشك على البكاء...... انا عارفه و واثقة فيك بس بحس الناس حسداني عليك بيقولوا ان ده ياخد واحدة على وش مۏت
....... رهف بلاش كلام في الموضوع ده انتي عارفه اني بحبك وكلام الناس ده انتي الي شاغله بالك بيه
أغمضت عينيها وهي تحاول انهاء الحديث لتهتف بمزح..... بس البت اللبنانية دي مش عجابني شكلي كده المره الجايه ھخنقها قال باين عليه صغير دي مسهوكة عايزة تصطاد عريس مش مكفيها بتوع لبنان البت الل
..... لازم تتاكدي ان مفيش غيرك في قلبي ولحد اخر يوم في عمري مش هيكون في غيرك
طالعته بعشق أكبر وعينيها توثق حديثها فغيرتها لم تكن إلا من چنونها به
على الجانب الآخر في منزل جمال...
وقفت فتون بالمطبخ وهي تعد الافطار بينما كانت كريمة تشتعل منها ڠضبا وهي تهتف...... يا فتون الله يهديك اطلعي من المطبخ حراام عليكي يا بنتي ده انتي لسه في شهرك التاني يعني لازم راحة في ايام الحمل الاولى...
فتون ومازالت تواليها ظهرها و وجهها للموقد.... يا ام جمال محدش بياخد غير نصيبه وبعدين لو لينا نصيب ابننا هيجي الدنيا بخير كلوا بأمر الله
ونعم بالله مقولناش حاجة....... قالتها كريمة بهدوء لتكمل بعدها.......... بس ربنا قال اسعي يا عبد وانا اسعي معااك يعني تخافي و تصوني صحتك علشان ربنا ينتعك بالسلامة من غير ما يحصلك حاجة
الټفت اليها فتون .
فوضت امري ليك يا رب انا عارفه اني مش هخلص معااك يا بت انتي
لتتركها وتخرج إلى الخارج بينما قابلها جمال بأبتسامته الجميلة قائلا...... صباح الخير يا ست الكل
والدته بهدوء....... صباح النور يا جمال
طالع والدته بتساؤل قائلا..... مالك يا امي في ايه شكلك مدايقة حد زعلك
جلست على الاريكة وهي تهتف پغضب....... وهو في غيرك انت ومراتك بيزعلني مراتك خلاص هتجبلي شلل قبل ما تولد
بسسس ايه الي حصل لكل ده...... قالها جمال بتساؤل
لتكمل والدته....... بقا اقول لها سيبي الاكل وارتاحي علشان الي في بطنك ولا هي هنا مبتسمعش كلامي فاكرة انها كده بتساعدني لم تقف وتتعب نفسها انا معنديش اغلي منك وربنا عالم مستنية اشوف عيالك ماليين عليا البيت
..... يا ست الكل فتون مش قصدها تزعلك وانتي عارفه انها بتحبك قد ايه هي بس مش برتاح غير لم تعمل كل حاجه بنفسها فأنتي سبيها على راحتها وغير كده لو لينا نصيب فيه هيجي ملناش يبقى قضاء ربنا
نظرت إليه بغيظ قائلة..... انا عارفه اني مش هاخد معاك لا انت ولا مراتك حق ولا باطل اوعا من
وشي اروح اقعد مع اختي بدل قاعدتكم الي تجيب الضغط دي
ألتفت له قائلة بغيظ........ ايه يا جمال خضتني يا اخي
سلامتك من الخضة بس قوليلي بتعملي ايه
طالعته بغيظ قائلة..... انت شايف ايه يعني بعملك فطار
طالعها بتساؤل...... هي امي وخالتي سميرة فطروا
اه من بدري...... قالتها وهي توليه ظهرها من جديد ليبتسم الاخر بخبث وهو يمد يده يغلق الموقد لتهتف بأنزعاج انت ايه الي عملته ده
لم يجيبها بل حملها بين
يده قائلا........ اصل امي قالتلي خلي مراتك تفطرك فوق وانا مينفعش امي تقول حاجه واعصيها ابدا
...... جمال نزلني يا جمال بطل جنان
رفع حاجبيه قائلا....... جنان طيب انا هوريكي الجنان وهو يقهقه بمرح ليحملها فوق كتفه حتى اصبحت رأسها عند منتصف ظهره لتتشبث به قائلة پخوف..... نزلني يا جمال الله يخليك
لم يعيرها اننتباه بل صعد بها إلى شقته وسط ضحكاتها على جنونه.
في الشركة
كانت مرام جالسه خلف مكتبها تتايع عملها إلى ان جلس امامها ثلاثه فتيات من موظفين الشركة
طالعتهم مرام بتساؤل...... خير في حاجة
ابتسمت واحدة منهن قائلة بسخرية...... صحيح يا مرام الي سمعناه قال انتي والبشمهندس كنتوا على علاقة زمان
لتهتف الاخري..... ومش بس كده ده احنا سمعنا انك يوم الحاډثة كنتي في القصر بتاعه.... كنتوا بتعملوا ايه
لتهتف الثالثة...... ومش بس كده...... لا ده امبارح كان بايت في شقتها كان عندك ليه يا مرام
واحد كان في شقة مراته هيكون عندها ليه...... قالها عمار الذي خرج من مكتبه حينما سمع
