رعد
في مستشفي السيوفي
...... دي دخلت الكافيه اللي قصاد المستشفي وانا وراها
عزمي ماشي اقفل انت وانا جاي عندك
قفل عزمي مع الشخص الي بيراقب تقي أو اللي بيخلي باله منها بأمر من رعد
عزمي لنفسه طب اقول لرعد باشا ولا اعمل ايه.. انا هروح اشوف في ايه وبكره هقوله كل التفصيل
عزمي قال للسواق أنه حصل ظروف ولازم يمشي وطلب منه يبلغ رعد بعد ما يخلص اجتماع
مؤمن شاف تقي قام وقف وشاورلها وتقي شافته راحت عليه
تقي بكسوف اذيك يا دكتور
مؤمن بابتسامه الحمد لله اقعدي يا تقي
تقي قعدت وهي قلبها مقبوض
مؤمن شاف قلقها وكسوفها اللي ظهرين علي كل ملامح وشها وحركات ايديها تحبي تشربي ايه..
تقي بهدوء ولا اي حاجه
مؤمن نداه للجرسون وطلب منه عصي برتقال لتقي وله فنجان قهوه
عزمي كان وصل وعرف من الشخص الي مكلفه يخلي باله من تقي أنها في الكافيه دخل عزمي وشاف تقي قاعده مع راجل غريب هو ميعرفوش لانه مش شافه قبل كده عزمي طلع فونه وقررر.........
تقي باحراج اانا مش عارفه اقول ايه يعني بابا كان هيرد عليك
مؤمن انا اسف اني حطيتك في موقف محرج بس الموضوع ده يخصني انا وانتي فكنت عايز اعرف ردك
مؤمن قلبه كان بيدق بفزع ياريت يا تقي انا اتمني
تقي بوضوح .....انا مش موافق علي جوازنا
مؤمن بغيظ بيحاول يداريه واتكلم بهدوء مصطنع ليه يا تقي احنا ما قعدناش مع بعض خالص يعني ايه سبب الرفض
تقي وشها احمر ومش عارفه تقوله ايه مفيش سبب انت شخص محترم جدا ومليون بنت احسن مني تتمناك
تقي بصتله بإحراج احم...بس انا مش هنفعك يا مؤمن
مؤمن عايز يتأكد انها فعلا بتحب رعد وهو قرر انها لازم تقوله كل حاجه
مؤمن ضيق عينه يعني ايه يا تقي متنفعنيش دي ممكن تتكلمي بوضوح اكتر
تقي بتقول يا ارض انشقي وابلعيني هي مش عارفه تقوله ايه اتحشرت في زاويه صعبه هي كانت جايه تقوله أنها بتحب رعد ولازم تقول خلاص مش هينفع كسوفها دلوقتي خالص
مؤمن بغيظ طب وانا..وليه هو..ومين هو...
ااااه اكيد رعد السيوفي
تقي بصتله پصدمه ونظره استفهام
مؤمن فهم نظرت تقي
مؤمن ايه مستغربه اني عرفت أنه رعد السيوفي
......اصل بصراحه كان باين عليه اوي لمه شفته في المستشفي
تقي باحراج انا اسفه يا مؤمن بجد اسفه
مؤمن بغيظ وخبث علي ايه يا تقي ولا يهمك انا اتمنالك السعاده مع اني كنت اتمنهالك معايا بس طلامه بتحبيه وهو بيحبك خلاص...وأكمل بخبث اكبر....ولا هو مقلكيش بحبك ولا ايه
تقي بابتسامه و سزاجه لا طبعا قالي بحبك وانا قلتله بحبك وبموت فيك ومقدرش اعيش لحظه من غيرك
مؤمن حط ايده علي أيده تقي وابتسم بانتصار و خبث خلاص يا تقي انتي من دلوقتي بقيتي اختي
تقي ابتسمت بخجل وبتسحب ايديها براحه من تحت ايد مؤمن شكرا يا مؤمن بجد انا كنت خاېفه من المقابله دي اوي
مؤمن بابتسامه صفره يااااه للدرجه دي...!!
تقي بابتسامه هاديه واكتر كمان بس بجد انا جميلك ده مش هنساه طول حياتي
مؤمن حس أن ضميره بيوجعه لكن بسرعه ماتقوليش كده يا تقي......صحيح هو انتوا كنتوا بتعملوا ايه في المستشفي
تقي افتكرت هنا وقالت بحزن اصل هنا بنت رعد وقعت من السلم فكنت معاها بس
مؤمن بتفهم اممم واضح انك بتحبيها اوي
تقي افتكرت هنا بكل تفصلها رقتها وجمالها وطفولتها
تقي ابتسمت بتلقائية هنا دي ملاك لو قعدت معاه تنسيك كل همومك وحزنك
مؤمن ابتسم علي طيبت قلبها وانتي كمان يا تقي اي حد يقعد معاكي مش بس ينسا همومه ده كمان ينسا نفسه
تقي ابتسمت باحرج
مؤمن بصي بقي من هنا ورايح انا اخوكي واي حاجه تحتجيها ما تتردديش لحظه انك تطلبيها مني
....وأكمل بهزار....واياكي ثم ايكي انك تخرجي من غير ازني فاهممه يعني اعملي حسابك مش فوضه هي.....
تقي بضحك هههههههه لا بقي انا مش ناقصه تعقيد كفايه عليه رعد
مؤمن بغيره ورعد مش بيخليكي تخرجي من غير ما يعرف طب هو عارف انك هنا دلوقتي...
تقي كشرت بزعل انا خفت أقوله احسن يزعل
مؤمن بتحبيه اوي كده وخاېفه علي زعله
تقي افتكرت رعد وابتسمت لمه تقعد طول عمرك متعرفش يعني ايه حب وفجاه تلاقي نفسك اتعلقت بحد ومينفعش يعدي يوم من غير ما تسمع فيه صوته شخص لا انت عمرك شفته ولا اتكلمت معاه مجرد انك بس بتسمع صوته وهو بيكلم حد غير وانك توصل لمرحله انك ممكن ټموت من غيره مؤمن انا عمري ما حبيت حد خالص ولا اتكلمت مع اي راجل تخيل انا كل اللي كانوا في حياتي بابا وأحمد اخويا...ابتسمت بحب...علي الرغم من أنه اتقدملي ناس كتير بس قلبي محبش غير رعد اللي دخل حياتي وعمل فيها رعد وشقلبها
انا بحبه لدرجه اني نفسي اقوله متبعدشي عني انا مقدرش اعيش لحظه من غيرك...انت وبس اللي في أيده روحي و انا بعشقك
هاله_محمد
مؤمن قاعد بيسمع الكلام والغيره
مسيطره عليه كانهم كانوا بيحبوا بعض وهي خانته مش هو اللي دخل حياتها وهي خلاص كان قلبها متعلق برعد
تقي سكتت وبصت لمؤمن انا اسفه يا مؤمن لو كنت ضيقتك من رغي بس انا بجد فرحانه انك قدرت تفهمني وتقدر موقفي
مؤمن بتوعد لا ابدا اتكلمي براحتك
تقي بصت في الفون وقامت وقفت بړعب يا نهار ابيض ده الوقت اتاخر اوي وانا نسيت اكلم احمد خالص
مؤمن قام وقف خلاص يا تقي اهدي انا كده كده كنت مروح يعني معنديش شغل النهارده فممكن اوصلك
تقي باحراج لا لا انا هاخد تاكسي من هنا وخلاص
مؤمن بحسم قلتلك هوصلك خلاص وما تخفيش هوقفك علي أول الشارع
تقي ضمت شفيفها بتردد ....ماشي وشكرا يا مؤمن انك قدرت موقفي بجد شكرا
مؤمن مش كفايه بقي كلام في الموضوع ده انا قلتلك ايه انتي اختي
تقي ابتسمت وهزت رأسها بايماء
مؤمن خرج هو وتقي وركبوا عربيته ومشيوا
عزمي كان واقف وصور كل حاجه حصلت بموبيله سجله فيديو بس من غير صوت لانه مقدرش يقرب منهم عشان تقي عارفاه ولو بعت حد هيبقي ملحوظ اوي أنه بيصورهم
مؤمن وصل تقي علي أول شارعهم ومشي
فونه رن خرجه من تفكيره
ميرنا بفضول هاا يا دكتور ايه الاخبار كلامي صح ولا طلعت كدابه
مؤمن انتي فين ..
ميرنا ابتسمت بخبث انا في البيت بس خارجه بعد نص ساعه لو تحب تيجي ونتكلم وكمان عشان نشوف هنعمل ايه
مؤمن تمام شوفي هتروحي فين وابعتيلي العنوان في Message وانا هروح اخد دوش واغير واجي
ميرنا عارفه الملهى ....... هكون في ومستنياك
مؤمن ايوه عارفه ساعه وهكون عندك
ميرنا اوك....وقفلت الفون....وقالت بخبث...لمه نشوف بقي يا رعد هتكمل معاها ازاي
تقي وصلت پتهم وكانت حاسه انها اسعد انسانه في الدنيا كلها دخلت وكانت بتغني بفرحه شافت امها قاعد راحه شدتها ورقصت معاها وهي بتغني وسط استغراب امها
مالي حاسه بارتباك وبحاله مش عاديه
عقلي اټجنن معااااك مش عارفه ايه اللي فيه
قوم فضي الاشتباك أو خبي عينيك شويه
د انا واقعه فيك بجد.......
من كلمتين يدوب
بلقيني في حته تانيه
ملقتش فيك عيوب وبرااااقبك ثانيه ثانيه
ازعل هتقوم حروب مش واااااحده لا تمااانيه
هو انت اي حدددددد....هو انت اي حددددد
ام تقي ابتسمت علي فرحه بنتها وغناها
زينب ابتسمت باستغراب مالك يا بت يا تقي...
تقي بسعاده سبيني اكمل بقي يا ماما الله......
زينب قعدت علي الكرسي بتعب لا يا ختي انا مش قدك ابعدي عني
خرج احمد من اوضته وكمل غنا قصاد تقي وكل واحد بقي يقول حته من الاغنيه بمرح وسعاده وفرحه من قلبهم
انا نفسي اطييير
فرحانه جدا وديبه وبغير
حسه بسعاده وده احساس خطېر
مجنونه بيك ونفسي أفضل قصادك
واقولك بحبك كتييييييير
وده مش كلام د انا جايه اڠرق عينيك اهتمام
وده وعد عليا وقرار والتزام
لو كنت أطول....
كنت امسح حياتي ونبدأ من الليله قوام
هو انت جيت منين...
حبيتك بالتلاته.....سهرانه بتاع يومين
عيزاك وبستماته
مبسوطه حبتين لا حبتين تلاته
لا دا الموضوع خطييييير
من غير اي اتفاق قلبي في ثانيه انت خدته
تاه مني واماااا فاق مش ثابت زي عادته
ملهوف كله اشتياق ..... بيروحلك وبارادته
من الفرحه مش بيرد
انا نفسي اطييييير ..فرحانه جداااا جداااا بغييييير
هاله_محمد
تقي وأحمد فضلوا يغنوا وتقي حست انها طيره وكأن كل حاجه بتتمناها بقت ملك ايديها وبكل بساطه لكن لا تعلم ما تخفيه الايام بعد
رعد خلص شغله وكان تعبان جدا كان لازم يخلص كل حاجه بنفسه عشان هو مش هيسافر مع مهاب
رعد روح البيت متأخر ودخل لهنا لقاها نايمه زي الملاك قعد جنبها علي السرير ومسح علي شعرها بحنيه وحب وافتكر تقي وضحكتها وكلامها وغمزتها وغيرتها عليه اللي بتبان من عينيها وفي صوتها ابتسم بحب واتمنى انها تكون معاه وفي حضنه
تقي كانت نايمه وبتتقلب في السرير وكانت نفسها النهار يطلع بسرعه عشان تطير علي رعد وقررت انها اول ما هتشوفه هتقوله وحشتني وبحبك ويلا تعالي اتقدملي وقررت تحكيله كل حاجه حصلت معاها هي و مؤمن
مؤمن كان وصل عند ميرنا وحكلها كل اللي حصل بنهم وكان هيولع من الغيظ والغيره
ميرنا كان في أيدها كاس من الخمره قالت بخبث هو انت بجد حبيت تقي يعني قصدي انت فعلا بتحبها ولا ايه...
مؤمن بصلها وقال بتوتر ااه طبعا اومال يعني ليه انا بعمل كده
ميرنا ضحكت بسكر هههههه مش عارفه ليه مش حاسه انك بتحبها
مؤمن بغيظ قصدك ايه يعني ايوه بحبها وهي مستحيل تكون لحد تاني غيري ورعد ده هندمه أنه فكر فيها اصلا
ميرنا بسكر تؤ تؤ رعد ملكش
دعوه بيه اوك رعد ده حبيبي انا وبس ومحدش يقدر ياخده مني
مؤمن بصلها بقرف أمه نشوف اخرتها معاكي
ميرنا حطت الكأس علي البار خليك معايا انت بس وهتشوف أن اللي عملناه هيجيب نتيجه ليه وليك.....وقامت وقفت بعدم اتزان.....يلا نرقص وسيبك منهم بقي قلتك الموضوع انتهي خلاص بح رعد هيكون ليه وتقي هتكون ليك.....شدت مؤمن قومته....يلا بقي انا زهقت
قام مؤمن معاها يرقصوا
اليوم خلص والنهار طلع علي يوم جديد سيتغير فيه حيات الجميع
رعد صحي بدري جدا وراح علي الشركه ليكمل شغله وكان لازم يخلصه لأن مهاب كان هيسافر تاني يوم....
وصل رعد الشركه وكان مشغول هو ومهاب جدا
تقي صحيت بسعاده اتوضت وصلت وخرجت لامها باستها بحب وخرجت
راحه عند هنا
وبعد مده كبيره رعد خلص شغله و دخل علي مكتبه تعبان ومش قادر
عزمي خبط علي رعد ودخل
عزمي ...........
.
الحلقة 18
.
اسلام برجاء هات بقي يا ابيه انت وعدتني
مؤمن بزهق يا ابني انت
